“Premium Bank”ın Mastercard Black Edition Miles kartının imtiyazlarında yenilik

“Premium Bank”ın Mastercard Black Edition Miles kartının sahibləri Heydər Əliyev Hava Limanı Terminal 1-də A zonasında yerləşən Priority qeydiyyat masasından faydalana bilərlər. Qeyd etmək istərdik ki, qeydiyyatdan keçərkən kart sahibi ilə səyahət edən sərnişinlər də Priority qeydiyyat masasından faydalana biləcəklər.

Mastercard Black Edition Miles kartını səciyyələndirən cəhətlər parlaq dizayn, yüksək mil hesablanması, yenilikçi həllər dünyanın istənilən şəhərində mövcud xüsusi imtiyazlar kompleksidir. Bu kart ən yüksək səviyyədə rahatlığı və çoxlu səyahəti sevən insanlara ideal şəkildə uyğundur. Kartlar 2 və 3 il müddətinə buraxılır.  Müştərinin seçimindən asılı olaraq kart manat, ABŞ dolları və ya avro ilə verilə bilər.

Mastercard Black Edition Miles kartının üstünlükləri:

• Kartı əldə etdiyiniz zaman Sizə 400 bal hədiyyə olunacaq (yalnız yeni müştərilər üçün);
• Ölkəxarici əməliyyatlara görə hər 5 manat üçün 1 bal;
• Ölkədaxili əməliyyatlara görə hər 10 manat üçün 1 bal;
• Bütün dövlət büdcəsi ödənişləri, gömrük, vergi, DYP ödənişləri, Apus vasitəsi ilə həyata keçirilən əməliyyatlara görə hər 35 manat üçün 1 bal;
• “Priority Pass” kartı hədiyyə. Dünyanın hava limanlarında yerləşən 1100-dən artıq VIP-zaldan sərbəst istifadə hüququ;
• 374,500 EUR-dək sığorta təminatı olan pulsuz səyahət sığortası proqramı. Müştərilər və onların ailə üzvləri üçün keçərlidir;
• Mastercard Global Assistance xidməti (ölkə xaricində - təcili bloklanma, təcili əvəzlənmə, təcili nağdlaşdırma, kartsız ödəniş);
• Dünyanın istənilən ölkəsində 24/7 rejimində Black Edition Concierge xidməti;
• Mastercard Global Airport Concierge – dünyanın 700-dən çox hava limanında keçərlidir;
• Mastercard Premium Klublar - Hertz və Avisdən avtomobil icarəsi üçün xüsusi şərtlər və endirimlər;
• Mastercard-dan əvəzsiz güzəştlər - www.mastercard.az saytında tərəfdaşlar şəbəkəsində kartla ödəniş zamanı avtomatik endirimlər;
• "Premium Club” endirim proqramının üzvü olacaqsınız;
• “Salam Lounge” zalının bir dəfəlik istifadəsi üçün hədiyyə kuponu;
• Heydər Əliyev Hava Limanı Terminal 1-də yerləşən “Salam Lounge” və “Baku Club” zallarının xidmətlərindən ekskluziv şərtlərlə istifadə;
• Heydər Əliyev Hava Limanı Terminal 1-də A zonasında yerləşən Priority qeydiyyat massasından növbəsiz qeydiyyat imkanı.

Xatırlatmaq istərdik ki, «Premium Bank Miles» kartı bank kartının üstünlüklərini və "Azal Miles" proqramının iştirakçısının imtiyazlarını özündə birləşdirən müştərək ödəmə kartıdır. Gündəlik alış-veriş və xidmətlərin haqqını "Miles" kartı vasitəsilə ödəniş edərək, kartın sahibi öz hesabına ballar toplayır. Ballar dünyanın istənilən valyutasında ödənişlər zamanı (manat ekvivalentində) hesablanır. Ballar həmçinin "Azərbaycan Hava Yolları" aviaşirkətinin reyslərindən istifadə edərkən toplanılır. Toplanan milləri kart sahibi AZAL aviaşirkətinin pulsuz uçuş biletinin (biznes və ekonom sinifi) əldə olunmasına və ya xidmət sinfinin artırılmasına istifadə edə bilər.

Bankın məhsul və xidmətləri barədə daha ətraflı məlumat almaq üçün www.premiumbank.az saytına, (012) 931 Sorğu Mərkəzinə və ya Bankın rəsmi “Facebook” səhifəsinə www.fb.com/premiumbank.az müraciət edə bilərsiniz.

Daha çox alın, tez-tez səyahət edin!